inclusion through arts and media
Jafnrétti og samfélagsþátttaka í gegnum listir og margmiðlun
Evrópskt samstarfsverkefni á vegum ERASMUS+ áætlunar Evrópusambandsins
Langar þig að kynnast heiminum? Langar þig að tengjast nemendum frá öðrum löndum í Evrópu? Langar þig að kynnast skólum og menningu í öðrum löndum? Langar þig að vinna að listsköpun og margmiðlum með fólki víða að úr Evrópu? Langar þig að láta ljós þitt skína? Langar þig að breyta heiminum?
Þá er þetta verkefni fyrir þig
Þátttakendur í verkefninu eru frá sex löndum: Íslandi, Hollandi, Danmörku, Spáni, Ungverjalandi og Þýskalandi. Verkefnið er til tveggja ára, byrjar núna í haust og lýkur vorið 2021. Þátttakendur í verkefninu eru nemendur og kennarar frá þessum sex löndum
Þrisvar á ári heimsækja nemendur og kennarar eitt þátttökulandið. Þar vinna þau saman í fimm daga að ýmsum verkefnum sem tengjast viðfangsefnum verkefnisins. Verkefnin miða öll að jafnrétti og samfélagsþátttöku og inn í þau er fléttað listum og margmiðlun. Inn á milli er farið í kynningar og vettvangsferðir, þar sem nemendur frá hinum ýmsu löndum kynnast og gera ýmislegt skemmtilegt saman
Nemendur munu gista hjá öðrum nemendum frá landinu sem heldur mótið hverju sinni. Þannig kynnast þeir menningu og siðum frá gestgjafalandinu beint í æð
Inn á milli heimsókna vinna þátttakendur ýmis verkefni til að undirbúa heimsóknirnar